Tunel tipli yol qovşağında işlər yekunlaşmaq üzrədir
Bizi izləyin

Qırmızı.az

Tunel tipli yol qovşağında işlər yekunlaşmaq üzrədir

Bakı şəhərinin Ziya Bünyadov prospekti ilə Böyükşor küçəsinin kəsişməsində inşa edilən tunel tipli yol qovşağının qapalı hissəsində işlər yekunlaşmışdır.
“Akkord Sənaye Tikinti İnvestisiya Korporasiyası” ASC–nin ictimaiyyətlə əlaqələr xidmətindən AzərTAc-a bildirmişlər ki, “Texnomost” LİM (hazırkı “Qidrotransproyekt” MMC) şirkəti tərəfindən layihələndirilən qovşağın tikintisinə 2011-ci ilin mart ayında başlanılmışdır.
İyul ayında istifadəyə verilməsi planlaşdırılan tunel tipli yol qovşağında hazırda 1600 metr uzunluğu olan yan yollarda asfalt örtüyünün salınması, tuneldaxili və yan yollarda işıq dirəklərinin quraşdırılması, tunelin bağlı hissəsinin üzərində layihələndirilmiş dairənin tikintisi, “Baksol yolu” istiqamətindəki 140 metr məsafədə isə yolun layihəyə əsasən yenidən qurulması işləri aparılır.
Qeyd edək ki, Nəqliyyat Nazirliyi “Azəryolservis” ASC-nin sifarişçisi olduğu layihənin podratçısı “Akkord Sənaye Tikinti İnvestisiya Korporasiyası” ASC-dir. Ümumi uzunluğu 610, örtülü hissəsinin uzunluğu 140, hündürlüyü 5,5, hərəkət hissəsinin eni 23,5, ayırıcı zolağın eni 2 metr olan qovşağın 6 hərəkət zolağı vardır. Bu göstəricilər nəqliyyatın intensiv hərəkətinə əlavə imkanlar yaradacaqdır. Tunel beynəlxalq standartlara uyğun layihələndirilmişdir və 9 ballıq zəlzələyə davamlıdır.

AzərTAc

Oxumağa davam et
Reklam
Reklam

Gündəm