Qırmızı.az

Novruz Məmmədov: İlham Əliyevin AŞPA-da etdiyi çıxışı beynəlxalq münasibətlərdə çox mühüm bir hadisə oldu

26 İyun 2014 17:50

"Azərbaycan Prezidenti İlham Əliyevin Strasburqda, AŞPA-da etdiyi çıxışı beynəlxalq münasibətlərdə çox mühüm bir hadisə oldu. Azərbaycanın xarici siyasətində bu ilin ən böyük uğuru hesab olunur". Bunu Prezident Administrasiyasının rəhbərinin müavini Novruz Məmmədov ANS-ə müsahibəsində deyib.

N. Məmmədov vurğulayıb ki, Azərbayan prezidenti çıxışı ilə beynəlxalq birliyə, beynəlxalq ictimaiyyətə, xüsusilə də Avropa ictimaiyyətinə və Avropa dövlətlərinə beynəlxalq münasibətlərdə əməkdaşlıq prinsiplərini açıq-aydın çatdırıb. Bu istiqamətdə Azərbaycanın mövqeyini açıqlayıb.

“Azərbaycan prezidenti Avropa ictimayyətini təəcübləndirdi. Digər tərəfdən isə Azərbaycan xalqı üçün bir nümunə oldu ki, mən sizin arxanızda dayanmışam.”