Qırmızı.az

Hadrutda zirzəmidə yığılan qəbir daşlarının “kimliyi” BƏLLİ OLDU - VİDEO

25 Yanvar 2022 16:47

Bir müddət əvvəl ermənilərinin Hadrutu işğal etdikdən sonra azərbaycanlıların qəbir daşlarını sökdükləri görüntülər sosial şəbəkələrdə əks olunmuşdu.

Publika.az">Publika.az xəbər verir ki, Cəbrayıl rayonu işğal altında olan zaman Hadrutda yaşayan ermənilər burada olan qəbir daşlarını sökərək məzarları dağıdıblar. Qəbir daşlarının bəzilərini isə zirzəmilərə yığıb, bəzilərini satmaq məqsədilə istifadə etmişdilər.

“Baku TV”nin həmsöhbəti Haqverdiyeva Həcər xanımın 3 yaxını - anası, atası və gəlinlərinin məzarı məhz həmin dağıdılmış qəbir daşlarının arasında olub. Həcər xanımın təkcə valideynlərinin qəbri deyil, eyni zamanda qardaşının yoldaşı və əmisinin məzar daşı dağıdılaraq məhv edilib.

Qeyd edək ki, 44 günlük müharibə zamanı Azərbaycan ordusu Hadrutu işğaldan azad etdikdən sonra qəbir daşlarından bəziləri Hadrutda zirzəmidə tapılıb.