Qırmızı.az

Mübariz Mənsimovdan şəhidlərimizlə bağlı NÜMUNƏVİ ADDIM - FOTO

28 Mart 2022 12:59

Mübariz Mənsimov başda olmaqla, “Palmali Holdinq”in İdarə Heyətinin qəbul etdiyi qərara əsasən, “Palmali Holdinq”ə məxsus gəmilərin adları dəyişdiriləcək.

Publika.az xəbər verir ki, bu barədə M.Mənsimovun köməkçisi Fidan Quliyeva məlumat verib.

“Bu gündən etibarən gəmilər Vətən uğrunda savaşlarda canlarından keçən, qəhrəmancasına həlak olmuş şəhidlərimizin adlarını daşıyacaq. Məqsəd şəhidlərimizin adlarını ucaltmaq və dünya sularında tanıtmaqdır. İdarə Heyətinin qərarı ilə ilk gəmi 30 mart tarixində yola salınacaq. 140 metr uzunluğunda olan nəhəng gəmi general Polad Həşimovun adını daşıyacaq. Təntənəli mərasim Yalovada Doğruyol tərsanəsində baş tutacaq. Gəminin yolasalınma mərasimində Azərbaycan və Türkiyədən qonaqlar iştirak edəcəklər. Gəmi 140 metr uzunluğunda, 17 metr enində və 7500 DWT daşıma qabiliyyətindədir”, - o qeyd edib.