Qırmızı.az

Polad Həşimovun adını daşıyan gəmi yola salınır - FOTO

30 Mart 2022 15:04

Xəbər verdiyimiz kimi, “Palmali Holdinq”in İdarə Heyətinin qəbul etdiyi qərara əsasən, holdinqə məxsus gəmilərin adları dəyişdiriləcək və şəhidlərin adları ilə əvəzlənəcək.

Publika.az">Publika.az xəbər verir ki, şirkətin İdarə Heyətinin qərarı ilə bu gün yola salınacaq ilk gəmi general Polad Həşimovun adını daşıyır.

140 metr uzunluğunda olan nəhəng gəminin açılış mərasimi başlayıb. Təntənəli mərasim Yalovada Doğruyol tərsanəsində baş tutur. Bir neçə dəqiqədən sonra gəmi sulara buraxılacaq. Gəminin yola salınma mərasimində Azərbaycan və Türkiyədən qonaqlar iştirak edirlər. Mərasimdə Polad Həşimovun anası da iştirak edir.

General Polad Həşimovun adını daşıyan gəmi 140 metr uzunluğunda, 17 metr enində və 7500 DWT daşıma qabiliyyətindədir.