Britaniya bu prosesə maliyyə vəsaiti ayırıb - Səfir

"İnsanlar 30 il əvvəl tərk etdiyi torpaqlarına qayıtmaq istəyir, bunun üçün isə bu torpaqlar minalardan təmizlənməlidir. Britaniya bu prosesə maliyyə vəsaiti ayırıb. Biz Azərbaycanın qlobal fondların yaradılması fikrini dəstəkləyirik. ANAMA-ya daha çox yardım göstərilməlidir".

Publika.az xəbər verir ki, bunu Böyük Britaniyanın Azərbaycandakı fövqəladə və səlahiyyətli səfiri Ceyms Şarp Humanitar minatəmizləmə fəaliyyəti və Dayanıqlı İnkişaf Məqsədləri mövzusunda keçirilən beynəlxalq konfransda bildirib.

"Britaniya olaraq fəxr edirik ki, biz bu problemin həllinə, insanların ağrılarının azalmasına, sülhə töhfə veririk. Mən azad olunmuş ərazilərdə olmuşam, bu torpalarda yenidənqurma işlərini görmüşəm, yollar, hava limanı, dəmiryolu tikilir, mən bunlara şahid olmuşam. Bu, böyük nailiyyətlərdir. Buna görə sizi təbrik edirəm. Əlbəttə, bunlar həm də ANAMA-nın fəaliyyəti nəticəsində mümkün olub. Minaların təmizlənməsi insanların təhlükəsizliyi üçün vacibdir və inanırıq ki, Azərbaycan qlobal səviyyədə bu sahədə liderlik nümayiş etdirəcək" - səfir qeyd edib.