FHN məktəblilərlə tədbir keçirdi
Bizi izləyin

Qırmızı.az

FHN məktəblilərlə tədbir keçirdi

Fövqəladə Hallar Nazirliyinin Gəncə Regional Mərkəzi əhatə etdiyi şəhər və rayonların təhsil müəssisələrində “Mülki müdafiə günü” mövzusunda silsilə tədbirlər keçirdi. Tədbirlərdə məktəblərin müəllim və şagirdləri iştirak etdilər.

Publika.az">Publika.az xəbər verir ki, tədbirlər çərçivəsində keçirilən mülki müdafiə məşğələləri nəzəri və praktiki olmaqla iki hissədən ibarət oldu.

Praktiki hissə zamanı şərti olaraq baş vermiş zəlzələ zamanı müəllim və şagird heyətinin təxliyəsi həyata keçirildi. Həmçinin, məktəbdə şərti olaraq baş verən yanğın ilkin odsöndürən vasitələrlə “söndürülüb”, “xəsarət alanlara ilkin tibbi yardım göstərildi”.

Nəzəri hissə çərçivəsində çıxış edən FHN-in Gəncə Regional Mərkəzinin əməkdaşları məşğələ iştirakçılarına fövqəladə hallar, onların təsnifatı, xüsusiyyətləri, ölkəmiz üçün spesifik olan fövqəladə hallar zamanı davranış qaydaları barədə ətraflı məlumat verdi.

Bundan əlavə, tədbirlər çərçivəsində mülki müdafiə gününə həsr olunan "açıq dərs"lər də keçirildi. Dərslərdə şagirdlər zəlzələ, torpaq sürüşməsi, sel və daşqın, yanğınlar, vulkan və s. mövzularda öz biliklərini ifadə etdilər.

İnteraktiv formada keçirilən tədbirlərdə mövzulara dair videoçarxlar nümayiş olundu və suallar cavablandırıldı.

Oxumağa davam et
Reklam
Reklam

Gündəm