Komitə sədri məktəblilərin intiharından danışdı

Məktəblilərin intiharı gündəlik bütün səviyyələrdə istər sosial şəbəkələrdə, istər ənənəvi mediada davamlı müzakirə olunacaq. Bu mövzu hər cür fikir bildiriləcək məsələ deyil.

Publika.az">Publika.az xəbər verir ki, bunu jurnalistlərə açıqlamasında Ailə, Qadın və Uşaq Komitəsinin sədri Bahar Muradova deyib.

Onun sözlərinə görə, məktəblilərin intiharı ailələrdə olan problemləri bir daha üzə çıxarır: "Belə məsələlər ona yanaşmada peşəkarlıq tələb edir. Belə hadisələr hər birimizi üzür, narahat edir. Bu mövzunu bütün əlaqədar bütün dövlət orqanları, cəmiyyətimiz, mediamız daima diqqətdə saxlamalıdırlar. Çünki yeniyetməlik dövrünü hər birimiz yaşamışıq, çox ehtiyyatlı davranmağı tələb edən mövzudur. Müvafiq qurumlar bununla bağlı əlaqəli şəkildə işləyirlər. Bu, fərdi, psixoloji olaraq insanın durumana bağlı məsələdir. Bəzən düşüncələr və nəticələr bir-biri ilə əlaqəli olmur. Ona görə də hər kəs öz vəzifəsinə ciddi yanaşaraq belə məsələlərin qarşısını almaq tədbirləri hətta keçirməlidir".