Azərbaycanda xanım rəisə ŞƏRT QOYDULAR: Ya intihar et, ya da... - FOTO

Azərbaycan Voleybol Federasiyasının İctimaiyyətlə əlaqələr şöbəsinin rəisi Sevinc Qədirova şantaj edildiyini, intiharın bir addımlığında olduğunu yazıb.

Publika.az-ın məlumatına görə, Sevinc Qədirova bu barədə "Facebook" hesabında məlumat verib.

20 ilə yaxındır jurnalist fəaliyyəti ilə məşğul olduğunu vurğulayan S.Qədirova 2015-ci ildən bu günə qədər davam edən kabusunun bitmək bilmədiyini deyib:

"20 ilə yaxındır ki, jurnalist faliyyəti ilə məşğul oluram hər kəsin bildiyi kimi bəzi vəzifələrdə çalışmışam. Bu müddət ərzində Cənab Prezidentin siyasətini dəstəkləyib dövlət maraqlarını üstün tutmuşam. Amma 2015-ci ildən bu günə qədər davam edən kabusum heç cür bitmək bilmir . Rəsmi şəkildə əsir düşmüşəm elə bil. Bir qızın başına gətirə biləcəkləri ən pis oyunları başıma gətirməkdə davam edirlər hələ də. Heç cür canımı qurtara bilmirəm bu iyrənc oyundan. Yetər artıq. Susduqca üstümə gəlməyin. Sanki qarşıma konkret şərt qoyublar ya ölkəni tərk et, ya da intihar et. Atam qardaşım olsaydı, bu oyunları, şantajları, şər-böhtanları mənim başıma aça bilməzdiniz. Amma mənim güvəndiyim dövlət var dövlətin vəzifəli şəxsləri var. Hüquq-Muhafizə orqanları var. Şər və böhtanlarınızdan intihar həddinin bir addımlığındayam artıq”.