Hotellərə axın gözlənilir? - AÇIQLAMA

Pandemiyadan sonra turizm sektoru ilə bağlı problemlər kifayət qədər aktualdır və bu sahənin problemlərinin zəmanənin çağırışlarına uyğun həlli yollarının müəyyənləşdirilməsi tələb olunur. Xüsusilə, pandemiya səbəbindən turizm sektoru iflic vəziyyətinə düşüb və onun fəaliyyətinin post-pandemiya dövründə reabilitasiyasına, inkişaf tempinin bərpa olunmasına xeyli vaxt lazım gələcəyi proqnozlaşdırılır. Turizmin şaxələndirilməsində regional turizm amili kifayət qədər önəmli yer tutur. Məhz buna görə də hazırda Azərbaycanda turizmin vəziyyəti və regionlarda hotellərin doluluq səviyyəsi maraq doğuran məqamlardandır.

src="/storage/files/upload/aa2d0d5420e65d0d0124621f97d73989f9bdaae8.jpg" style="width: 367px; height: 244.667px;" class="fr-fic fr-dib fr-fil">

Bu barədə Publika.az-a açıqlama verən Azərbaycan Hotel Assosiasiyasının Baş icraçı direktoru Günay Sağlamın sözlərinə görə, pandemiyadan sonra ilk ildir ki, yay fəsli boyunca hotellərdə yüksək doluluq gözlənilir.

Qurum rəsmisi həmçinin qeyd edib ki, həm xarici, həm də yerli qonaqların olacağı proqnozlaşdırılır: “Biz hotellərə müraciət etdikdə özümüz də bunu müşahidə edirik. Belə ki, böyük həcmli hotellərin çoxunda yüksək doluluq nəzərə çarpır”.