Qısqanc ərdən arvadına dəhşətli cəza

Türkiyənin İzmir şəhərində ailədəki zorakılığa görə ayrılan cütlük qadının hamilə olması səbəbi ilə yaxınlar tərəfindən təkrar bir araya gətirilir.

Publika.Az-xəbər verir ki, barışdıqdan sonra arvadı Dilək Kanyılmaza heç bir zorakılıq göstərməyəcəyinə söz verən əri Orhan Kanyılmaz ayrı olduqları müddətdə arvadının icazəsiz şəhərə çıxıb-çıxmadığının haqq-hesabını çəkməyi qərarlaşdırır.

Belə ki, qısqanc ər arvadı evə qayıtdığı gecə tavaya yağ töküb isidir. Sonra Diləyi yanına çağırıb ayrı olduqları zaman təkbaşına şəhər mərkəzinə gedib-getmədiyi soruşur. Ona Qurana əl basdırsa da inanmır. Qaynar yağı qadının üzünə və ayaq nahiyəsinə tökür. Acıdan qıvranan qadın evdən qaçıb canını qurtarmağa çalışır. Qonşularının evindən anasına zəng edən qadını xəstəxanaya yerləşdirirlər. Hazırda Dilək Kanyılmaz ikinci dərəcəli yanıqla müalicə alır. Orhan Kanyılmaz isə hələ də axtarışdadır. Diləyin anası aidiyyatı dövlət qurumlarından qızına və ailəsinə sahib çıxmağı xahiş edir. O düşünür ki, təhlükə hələ də sovuşmayıb. Orhan Kanyılmaz qısqanclığının ucbatından hamını qətlə yetirə bilər.

Günay Muradlı

Publika.Az