Region

Ancelina Coli darmadağın olmuş Mosulda - FOTOLAR

17 İyun 2018 13:22

Birləşmiş Millətlər Təşkilatının xoşməramlı səfiri, aktrisa Ancelina Coli İraqın Mosul şəhərini ziyarət edib.

Publika.az xəbər verir ki, Oskar mükafatlı aktrisa İraqda İŞİD terror təşkilatının hücumlarına məruz qalmış və toqquşmalarda darmadağın olmuş Mosul şəhərini ziyarət edərək əhalinin vəziyyəti ilə tanış olub.

BMT-nin xoşməramlı səfiri Ancelina Coli Mosul sakinləri ilə söhbətləşib, onların ehtiyaclarını öyrənib, eləcə də şəhərin yenidən yaşanılacaq ərazi olması üçün abadlıq işlərinin görülməsi haqqında bir sıra məlumatlar toplayıb.

Aktrisa bu görüntüləri həyatında gördüyü ən böyük faicələrdən biri kimi dəyərləndirib: "Uzun illərdən sonra bu qədər üzüldüyüm növbəti hadisə. İnsanların hər şeylərini itirib, yaşadıqları evlərin gözlərinin önündə dağıdılması... Körpələri ilə ac-susuz, dərmansız ölümü gözləməkləri dəhşətdir".

Daha sonra xarabalığa çevrilmiş evlərin ətrafında gəzən Coli insanlarla fotolar çəkdirib.

Könül