Ərdoğanın bu addımı erməniləri narahat etdi - Türkiyəyə qarşı ÇİRKİN ÇAĞIRIŞ

Türkiyə Prezidenti Rəcəb Tayyib Ərdoğanın qətiyyətli mövqeyindən sonra ABŞ başda olmaqla 10 ölkə səfiri geri addım atıb, erməni lobbisi isə bu vəziyyətdən narahat olub.

Publika.az xəbər verir ki, Rəcəb Tayyib Ərdoğanın 10 səfirin arzuolunmayan şəxs (persona non-qrata) elan edilməsi ilə bağlı göstərişindən sonra səfirlər Vyana razılaşmasının 41-ci maddəsini vurğulayaraq və bir ölkənin daxili işlərinə qarışa bilməyəcəklərini bildiklərinə diqqət çəkərək birgə bəyanat yayıblar.

ABŞ səfirinin rəhbərlik etdiyi bu bəyanatdan sonra Amerikada Türkiyəyə qarşı qatı düşmənçilik münasibətləri sərgiləyən erməni lobbiləri hiddətlənib.

Amerika Erməniləri Milli Komitəsi (ANCA) sosial media hesabından ABŞ-ı Türkiyə ilə bağlı mövqeyini aydınlaşdırmağa çağırıb və F-16 ilə bağlı həştəq açaraq bu ifadələrdən istifadə edib:

"Ölkələr kodlu ünsiyyət qurmamalıdır.

ABŞ-ın Türkiyə ilə bağlı siyasəti aydın olmalıdır.

Bu, orta məktəb sinif otağı deyil.

Amerikan dəqiqliyinin vaxtı gəldi.

Hərəkətlər sadəcə kəlimələr deyil.

Türkiyəyə reaktiv təyyarə yoxdur".

Akqabay