Region

Gürcüstanda müxalifət partiyaları qadağan edilə bilər: Kobaxidze mesaj verdi

2 Dekabr 2024 14:37

Gürcüstanın baş naziri İrakli Kobaxidze hökumətin iclası zamanı etiraf edib ki, Gürcüstan hakimiyyəti müxalifət partiyalarının qeyri-qanuni tanınmasına nail olmaq üçün ölkənin Konstitusiya Məhkəməsinə (MK) müraciət edə bilər.

Publika.az xəbər verir ki, Gürcüstan hökumətinin başçısının sözlərinə görə, müxalifət nümayəndələri son günlər ölkənin konstitusiya quruluşuna açıq şəkildə qarşı çıxıblar ki, bu da məhkəməyə müraciət etmək və müxalifət partiyalarını konstitusiyaya zidd elan etmək üçün birbaşa əsas yaradır.

“Proseslərin necə inkişaf edəcəyini gözləyəcəyik. Hər şey öz əlimizdədir”, - Kobaxidze bildirib.

Gürcüstan Nazirlər Kabinetinin rəhbəri onu da əlavə edib ki, müxalifət dedikdə, xüsusən Gürcüstanın keçmiş prezidenti Mixail Saakaşvilinin “Vahid Milli Hərəkat”, “Dəyişiklik Uğrunda” və “Güclü Gürcüstan” koalisiyasını, eləcə də keçmiş baş nazir Georgi Qaxariyanın "Qaxariya - Gürcüstan üçün" partiyasını nəzərdə tutur.

Adəm Abbaslı