Hakan Fidan Rusiyaya bu halda məlumat verəcək - DETALLAR

Türkiyənin xarici işlər naziri Hakan Fidan müsbət nəticə əldə olunarsa, Ukrayna lideri Volodimir Zelenski ilə noyabrın 19-na planlaşdırılan danışıqların nəticəsi barədə Rusiya tərəfini məlumatlandıra bilər.

Publika.az xəbər verir ki, bu barədə “Bloomberg” mənbələrə istinadən məlumat yayıb.

Nəşrin mənbələrinə görə, Zelenski Türkiyə Prezidenti Rəcəb Tayyib Ərdoğan və ABŞ Prezidentinin xüsusi nümayəndəsi Stiv Uitkoffla görüşəcək.

"Türkiyənin xarici işlər naziri Hakan Fidan, məhbus mübadiləsi də daxil olmaqla, müsbət nəticə əldə olunarsa, danışıqların nəticələrini şəxsən Moskvaya bildirə bilər. Moskva görüşə heç kimi göndərmir", - Bloomberg mənbələrindən biri bildirib.

Ukrayna Prezidenti Voladimir Zelenski bildirib ki, Ukrayna sülh danışıqlarını intensivləşdirməyə hazırlaşır. O, bu məqsədlə Türkiyəyə səfər edir. ABŞ Prezidentinin elçisi Stiv Uitkoff da yoldadır. Kreml Rusiya tərəfinin bu danışıqlarda iştirak etməyəcəyini açıqlayıb. Üstəlik, Moskvaya prosesin bərpası ilə bağlı heç bir təklif daxil olmayıb.

Hüseyn İbadlı