Region

Makron mümkün qədər tez bir zamanda onunla danışmaq istəyir

7 Yanvar 2026 03:43

Fransa Prezidenti Emmanuel Makron Rusiya lideri Vladimir Putinlə danışmaq istədiyini bildirib.

Publika.az xəbər verir ki, o, bu barədə "France 2" telekanalına verdiyi müsahibədə danışıb.

"Hər şey qısa müddətdə təşkil olunmalıdır. Əlaqə hazırda bərpa olunur və yaxın həftələrdə baş tutmalıdır", - deyə Fransa Prezidenti bildirib.

Makron qeyd edib ki, dialoq mümkün qədər tez baş tutmalıdır.

Bundan əvvəl ABŞ Prezidentinin xüsusi nümayəndəsi Stiv Uitkoff bildirmişdi ki, "könüllülər koalisiyası" üzvləri ABŞ-dan dəstək alan Ukrayna üçün təhlükəsizlik zəmanətləri ilə bağlı çərçivə sənədi təqdim ediblər.

Yanvarın 6-da Parisdə "könüllülər koalisiyası"nın zirvə görüşü keçirilib. Sammitdə Makron, Böyük Britaniyanın Baş naziri Kir Starmer, digər Avropa liderləri, NATO-nun baş katibi Mark Rutte və alyansın hərbi nümayəndəsi, eyni zamanda Avropadakı ABŞ qüvvələrinə komandanlıq edən Aleksus Qrinkeviç iştirak ediblər.

Hüseyn İbadlı