İranın nüvə obyektində baş verən yanğının VİDEOSU YAYILDI

İranın İsfahan şəhərindəki nüvə obyektində baş vermiş yanğın lentə alənıb.

Publika.az xəbər verir ki, hadisəni əks etdirən videonu “Operatsiya Z: Voenkori Russkoy Vesni” “Telegram” kanalı yayımlayıb.

Ötən gün İranın İsfahandakı əsas nüvə obyektlərindən birinin hücum nəticəsində ciddi zədələndiyi bildirilirdi. Raket zərbəsi martın 7-də endirilib.

ISNA agentliyinin məlumatına görə, obyektin infrastrukturuna əhəmiyyətli ziyan dəyib, lakin hələlik radiasiya sızması və ya ərazinin radioaktiv çirklənməsinə dair heç bir sübut yoxdur. ABŞ və İsrailin əlində olan kəşfiyyat məlumatlarına əsasən, İranın nüvə materiallarının əsas ehtiyatları məhz İsfahanın altındakı yeraltı komplekslərdə cəmləşib. Onların qalan hissəsi isə Fordo və Natanzdakı möhkəmləndirilmiş anbarlar arasında bölüşdürülüb.

Fevralın 28-də ABŞ İsrail ilə birlikdə İrana qarşı hərbi əməliyyata başlayıb. İslam Respublikasında bir çox şəhərlər, o cümlədən paytaxt hücuma məruz qalıb. Zərbələrdən biri ali rəhbər Əli Xameneinin iqamətgahına endirilib və o, həlak olub. Buna cavab olaraq İran İsrailə və Yaxın Şərqdəki Amerika hərbi bazalarına raket və pilotsuz uçuş aparatları ilə zərbələr endirir.

Hüseyn İbadlı