Pezeşkian Mirzoyanla görüşdə ABŞ-la danışıqları “mənasız” adlandırdı
Bizi izləyin

Region

Pezeşkian Mirzoyanla görüşdə ABŞ-la danışıqları “mənasız” adlandırdı

Pezeşkian Mirzoyanla görüşdə ABŞ-la danışıqları “mənasız” adlandırdı

İran Prezidenti Məsud Pezeşkian Tehranda Ermənistanın xarici işlər naziri Ararat Mirzoyanı qəbul edib.

Publika.az Ermənistan mediasına istinadən xəbər verir ki, görüşdə energetika və regional infrastruktur sahəsində əməkdaşlıq məsələləri müzakirə olunub.

Mirzoyan Pezeşkiana TRIPP (“Tramp marşrutu”) layihəsinin icrası barədə məlumat verib. Tərəflər, həmçinin regional sabitlik və təhlükəsizlik, eləcə də İrəvanda keçiriləcək COP-17 konfransında İranın yüksək səviyyədə iştirakı məsələlərini müzakirə ediblər.

Görüşdə İran-ABŞ münasibətlərinə də toxunulub. Pezeşkian Vaşinqtonla danışıqları “mənasız” adlandırıb.

Onun sözlərinə görə, ABŞ indiyədək danışıqlar zamanı üç dəfə İrana hücum edib: "Məqsədləri İran İslam Respublikası quruluşunu devirməkdir".

Qeyd edək ki, Mirzoyan İranda xarici işlər naziri Abbas Əraqçi və parlament sədri Məhəmməd Baqir Qalibafla da görüşüb.

Oxumağa davam et
Reklam
Reklam

Gündəm

Zəfaran Hospital
Səba