• USD 1,7000 0,00% EUR 1,8924 0,00%
    • GBP 2,2219 0,00% RUB 0,0276 0,00%

Həkimdən arıqlamaq üçün VACİB MƏSLƏHƏT

Həkimdən arıqlamaq üçün VACİB MƏSLƏHƏT

Tanınmış anestezioloq-reanimatoloq Şahin Məmmədov arıqlamaq üçün vacib məsləhətlər verib.

Publika.az xəbər verir ki, həkim bayram ərəfəsində kalorili yeməklər yeyən insanların sonradan iştahanı azaltmaqda əziyyət çəkdiyini deyib: "Stress hormonu olan kortizol insanın doyma hormonu olan leptine qarşı həssaslığını azaldır. Yəni stresli vəziyyətdə sizin beyninizə doyma siqnalı gec çatacaq. Həm də stress vaxtı insan şirin məhsullar yemək istəyir ki, beyində xoşbəxtlik işinə baxan serotonin ifraz edilsin. Şirin qidaların zərərləri hamıya məlumdur.

Stresdən uzaqlaşmağın ən yaxşı yolu musiqiyə qulaq asmaq, arada gözləri yumub dərindən bir neçə dəfə nəfəs almaq və nanəcövhər iyləməkdir. Hər 2 saatdan bir nanə iyləyin, bu, sizin iştahanızı da azaldacaq. İçdiyiniz suya xiyar doğrayın. Bu zaman su içməkdən yorulmayacaqsız. Aclıq və susuzluq mərkəzi beyində çox yaxındır, çoxlu su içmək canavara dönmüş iştahanızı sakitləşdirəcək.

Yemək yeməzdən əvvəl 5 dəqiqəlik də olsa, idman edin. Məsələn, bir neçə dəfə oturub-durun, ya 10 dəfə atılıb-düşün. Ürəyinizin döyüntüsünü hiss etdinizsə, demək aclıq hormonu olan grelini tormozlaya bildiniz. Bundan sonra yeməyə başlayanda istər-istəməz az yeyəcəksiniz".

Aytən Məftun

Xəbər lenti

DAHA ÇOX XƏBƏR