Sağlamlıq

Pediatrdan valideynlərə XƏBƏRDARLIQ

14 İyun 2022 12:32

Bir çox əczaçılar dərmanların əlavə təsirindən, hər xəstəyə, xüsusilə uşaqlara individual (fərqli) yanaşma olduğundan sanki xəbərsizdir. Ən əsası isə başa düşmürlər ki, xəstəyə dərmanı yalnız həkim təyin edə bilər. Adi qrip əleyhinə dərmandan öz qohumumun şok olma dərəcəsinə düşdüyünün şahidi olmuşam.

Publika.az xəbər verir ki, bu sözləri valideynlərin xüsusilə antibiotikləri həkim resepti olmadan alıb uşaqlarına vurdurmasını tənqid edən Dr.Pediatr-Naturopat Aida Rəşidova deyib. Həkim bildirib ki, bu, çox risklidir, bəzən isə ölümlə nəticələnə bilər:

“Bir neçə il əvvəl bir ana öz böyük oğluna soyuqdəyməyə görə antibiotik vurmuşdu və oğlu allergik şokdan dünyasını dəyişmişdi. Əziz valideynlər, belə etməyin. Hadisə bir dəfə baş verir, həm də qəflətən. Həyatda ən önəmli olan sağlamlıqdır. Onu isə bu sahəni bilən insanlara həvalə edin. Aptekdə satıcının, qonşunun məsləhətilə yaxınlarınıza və uşaqlarınıza dərman verməyin...”