Sağlamlıq

Mükəmməl səhər yeməyinin sirrini açdı

13 Yanvar 2023 08:36

Mükəmməl səhər yeməyi yaxşı bir günün açarı ola bilər və o düzgün məhsullardan ibarət olmalıdır.

Publika.az xəbər verir ki, bu sözləri məşhur diyetoloq Nataliya Qridina "Lenta.ru"ya açıqlamasında bildirib.

"İdeal səhər yeməyi ilk növbədə proteinlərdən ibarət olmalıdır. Bu, toyuq əti, süd və ya süd məhsulları, yumurta, yüksək yağ tərkibli qızıl balıq ola bilər. Süd məhsullarını yağsız seçməyin, çünki orqanizm üçün daha az faydalıdır.

Tərkibində bağırsağın fəaliyyətini yaxşılaşdıran liflə zəngin taxıl çörəyinə üstünlük verilməlidir. Mükəmməl səhər yeməyinə avokado, pomidor, kahı və ya kəsmik pendiri də əlavə edə bilərsiniz. Belə bir səhər yeməyi bütün gün bədəni doyura bilər", - ekspert qeyd edib.

Aytən Məftun