Bu 4 vərdişdən uzaq olun: İnanılmaz zərərləri

Həyat tərzi sağlamlığımıza düşündüyümüzdən daha çox təsir edir. Daim sosial şəbəkələrdə ilişib qalmaq, sağlam yuxu əvəzinə gecələr qeyri-sağlam qəlyanaltılar yemək, səhərə qədər seriallara baxmaq və s. maddələr mübadiləsini günü-gündən pozur.

Publika.az xəbər verir ki, bu sözləri "Lenta.ru"ya müsahibəsində endokrinoloq Roman Teruşkin deyib. Mütəxəssis metabolizmi pozan 4 vərdişin zərərlərindən söz açıb.

1. Rejimsizlik

Bir insanın həyatında yalnız yuxu ilə deyil, həm də bütün digər proseslərlə əlaqəli müəyyən rejimi varsa, maddələr mübadiləsi və bütövlükdə orqanizm daha yaxşı işləyir. İstisnasız hər kəsə uyğun olan ideal rejim yoxdur, hər kəs gündəlik rejimini özü seçir. Ancaq rejim yoxdursa, bədən stres yaşamağa başlayacaq. Bu, kortizol istehsalının artmasına, immunitetin azalmasına, iltihablı xəstəliklərin inkişafına və digər sağlamlıq problemlərinə səbəb olacaq.

2. Ekranı sürüşdürmək

Bir çox insan yatmazdan əvvəl telefona baxır, lakin bilməlisiniz ki, bu, maddələr mübadiləsinə təsir edir. Ekranın işığı yuxu hormonu melatoninin məhvinə səbəb olur. Melatonin nə qədər az olarsa, yuxunuz bir o qədər pis olacaq. Hətta yaxşı yatanlar belə vərdişdən əl çəkməsələr, yuxusuzluq yaşaya bilərlər.

Gecə lentə baxmaq əlavə olaraq həzz hormonu olan dofamin ifrazını təhrik edir. Bu "dopamin dopinqi"nin ilk bir neçə həftəsi və ya ayları sevinc və məmnunluq hissi verə bilər. Lakin sonra bu təsir daha az nəzərə çarpacaq və ekranı saatlarla sürüşdürmək yalnız sinir sisteminin həddindən artıq həyəcanlanmasına gətirib çıxaracaq. Nəticədə, yuxusuz qalacaq, bədən özünü bərpa etməyəcək və sağlamlığınız pisləşəcək.

3. Gecə su içmək

Su balansı vacib olsa da, gecələr su içməməyə çalışın. Fakt budur ki, gecə hər hansı bir maye qəbulu böyrəklərin intensiv işini və onunla birlikdə bütün digər metabolik prosesləri təhrik edir. Odur ki, yatmağa getməzdən 1 saat əvvəl su içməyin və onu səhərə saxlayın.

4. Daimi qəlyanaltı

Gün ərzində nə qədər çox qəlyanaltı yesəniz, insulin reseptorlarınızın həssaslığı bir o qədər aşağı olacaq və insulin müqavimətinin inkişaf ehtimalı bir o qədər artacaq. Bu da öz növbəsində piylənməyə, metabolik sindroma, diabetə, hətta xərçəng riskinin artmasına səbəb olur.

Aytən