Məşhur müğənni bu yolla arıqladı

9 kilo çəki atan məşhur müğənni buna necə nail olduğunu açıqlayıb.

Publika.az Türkiyə mediasına istinadən xəbər verir ki, əsl adı Neşe Yılmaz olan ulduz son zamanlarda dəyişimi ilə diqqət çəkib. O, çox ciddi qidalanma rejiminə keçdiyini və az yediyini bildirib.

"D vitaminini nahar vaxtı (damcı şəklində) boranı çəyirdəyi yağı ilə qəbul edirəm. Mümkün qədər evdə hazırlanmış yeməklər və tərəvəzlər yeyirəm. Hətta evdə xırda peçenye kimi çörək bişiririk. Porsiyalarım o qədər kiçikdir ki, inanmazsınız. Yemək zamanı maye qəbul etməməyə çalışıram ki, mədə turşuluğunu çoxaltmasın. Daha yaxşı həzm üçün...

Gün batdıqdan sonra heç nə yeməməyə çalışıram. Mümkün olduqca həftədə 3 gün idman edin və gəzin! Ən əsası stress... Beyninizdəki səslərdən xilas olub dəniz, qum, günəş və kəpənək rejiminə keçin. İnanın, bu, böyük fərq yaradır. Mən xoşbəxt olmağı seçirəm. Sizi dəli edən insanlara hirslənməyi dayandırın, çünki onlar dəyişmir və siz sadəcə olaraq hirs mərkəzi olan qaraciyərinizi yorursunuz. Sevdiyiniz bir işlə məşğul olun. Əgər onu sevirsinizsə, ən yaxşı formada edə bilərsiniz, sonra hər kəs onu sevəcək. Eypio ilə hazırladığımız kompozisiya hazırda trendlərdə yüksəlir. Stresə yox, vitaminlərə hə... Bundan sonra necə arıqlamayım?", - müğənni qeyd edib.