Səhiyyə

Tanımadığınız adamla öpüşməkdən çəkinin - HƏKİM MƏSLƏHƏTİ

27 Avqust 2022 11:55

Məşhur pediatr payızda virusdan qorunmağın maraqlı üsullarını təklif edib.

Publika.az xəbər verir ki, tanınmış pediatr Olqa Qofman immunitetin zəiflədiyi payız fəslində viruslardan qorunmağın sadə üsullarını təklif edir.

Bu təkliflərin arasında ən çox diqqət çəkəni şəxsi gigiyenaya ciddi riayət olunması və tanımadığınız insanlarla öpüşməkdən imtina etməkdir.

“İnsanlar hər gün milyonlarla virus və bakteriya ilə “görüşür”. Amma bunların böyük əksəriyyəti orqanizm üçün təhlükəli deyil, çünki insanın illərlə formalaşmış immuniteti onu bu tip təhlükələrdən qorumağa kömək edir. Buna baxmayaraq yoluxmadan yayınmaq üçün həmişə elementar təhlükəsizlik qaydalarına əməl etmək vacibdir. İctimai yerləri ziyarətdən və ya təyyarə ilə uçuşdan sonra əllərinizi və üzünüzü sabunla yaxşı-yaxşı yuyun, ilk dəfə rastlaşdığınız insanla öpüşməyin. Burnunuzu isə dəniz duzunun mayesi ilə təmizləyin” – Qofman məsləhət verir.

Teqlər həkim-psixoterapevt