Səhiyyə

Ürək üçün “yamaq” icad edildi - Yaralar sözün əsl mənasında tikiləcək

16 Noyabr 2025 23:24

Alimlər ürək üçün “yamaq” icad ediblər.

Publika.az xarivi KİV-ə istinadla xəbər verir ki, artıq ürək yaraları sözün əsl mənasında tikiləcək!

Yeni biotexnoloji “ürək plastırı” heç bir cərrahi əməliyyat olmadan ürək toxumasındakı zədələri bərpa etməyə imkan verir.

Necə işləyir?

Elm adamları dəri və ya qan hüceyrələrini yenidən proqramlaşdıraraq kök hüceyrələr yaradır. Bu hüceyrələrdən ürək və damar toxumaları formalaşdırılır və mikrogenerativ liflərdən ibarət incə əsas üzərinə yerləşdirilir.

Hazır material kiçik kəsik vasitəsilə orqana daxil edilir, orada isə “yamaq” öz-özünə açılır və tibbi yapışqanla fiksasiya olunur.

İnfarktdan sonra yaranan ürək zədələrinin adətən bərpa olunmaması bu sahədə böyük problemdir. Yeni üsul isə ürəyin öz toxumasını regenerasiya etməsi üçün real ümid yaradır.

Hüseyn İbadlı