Metroda AXC-nin 100 illiyə həsr olunan fləşmob - VİDEO

Bakı metropolitenində növbəti sosialyönümlü aksiya, Azərbaycan Xalq Cümhuriyyətinin 100 illiyi keçirilib.

Publika.az xəbər verir ki, Azərbaycan Xalq Cümhuriyyətinin 100 illiyi münasibətilə sərnişinlərə bayraqlar paylanıb.

Xatırladaq ki, Azərbaycan Respublikasının Prezidenti İlham Əliyevin 2017-ci il mayın 16-da imzaladığı sərəncama əsasən, Cümhuriyyətin yubileyi geniş qeyd edilir. Həmçinin dövlət başçısının bu il yanvarın 10-da imzaladığı digər sərəncamla 2018-ci il Azərbaycan Respublikasında “Azərbaycan Xalq Cümhuriyyəti İli” elan edilib. Bununla əlaqədar ölkə daxilində, eləcə də bütün dünyada müxtəlif mövzularda tədbirlər keçirilir.

Xalq Cümhuriyyətinin yubileyinə "Bakı Metropoliteni" QSC-də də özünəməxsus və qeyri-adi şəkildə hazırlaşıb. Qırmızı xətdə hərəkət edən sərnişin qatarında maraqlı fləşmob keçirilib. Fləşmobda ümummilli lider Heydər Əliyevin dilindən Səməd Vurğunun məşhur "Azərbaycan" şeirinin bir bəndi səsləndirilib. Daha sonra isə fləşmob iştirakçıları həmin şeirin digər bəndlərini səsləndiriblər.

Fləşmob ulu öndərin "Mən həmişə fəxr etmişəm, bu gün də fəxr edirəm ki, mən azərbaycanlıyam!” kəlamının qatarda səsləndirilməsi ilə yekunlaşaraq, sərnişinlərin sürəkli alqışına səbəb olub.

Könül Cəfərli