• USD 1,7000 0,00% EUR 2,0014 0,00%
    • GBP 2,3463 0,00% RUB 0,0234 0,00%

Metropoliten rəhbərliyi Lalə Babayevanın təhqirinə münasibət bildirdi - RƏSMİ

  • Sosial
  • 24 Aprel 2018 15:52
  • 1 052 Baxış
Metropoliten rəhbərliyi Lalə Babayevanın təhqirinə münasibət bildirdi - RƏSMİ

Bu gün sosial şəbəkələrdə və bir sıra saytlarda "Bakı Metropoliteni"nin işçisi Lalə Babayevanın kəndlərdən şəhərə gələn vətəndaşlar üçün işlətdiyi sərt ifadələr müzakirə edilir.

Publika.az olaraq məsələyə "Bakı Metropoliteni" Qapalı Səhmdar Cəmiyyətindən (QSC) münasibət öyrəndik. Qurumun mətbuat xidmətinin rəhbəri Nəsimi Paşayev bildirdi ki, Lalə Babayevanın şəbəkələrdə müzakirə edilən fikirləri qurum adından yazılmadığı üçün buna görə metropoliten rəhbərliyi məsuliyyət daşımır:

"Məsələ ilə bağlı heç nə deyə bilmərəm. Xanım metropoliten əməkdaşı olsa da, yazdıqları onun şəxsi düşüncələridir. Özünün şəxsi hesabından yazıb. 4 ildir mətbuat xidmətinin rəhbəri mənəm və qurumun adından mən çıxış edirəm. Bütün qurumlarda olduğu kimi bizim də müxtəlif fikir və düşüncədə olan yüzlərlə əməkdaşımız var. Biz onların şəxsi fikirlərinə görə məsuliyyət daşıya bilmərik. Onun şəxsi fikirlərinə şəxsi münasibətimi soruşsaz, təbii ki, düzgün hesab eləmirəm. Emosialarına yenilərək kifayət qədər səhv fikirlər qeyd edib".

Xatırladaq ki, L.Babayeva sosial şəbəkənin aktiv istifadəçilərdəndir. Paylaşımlardan birində kəndlərdən gələn vətəndaşların metrodan istifadə zamanı qatarları zibillədiklərini irəli sürərək, kəndlərdən gələnləri təhqir edib.

Könül Cəfərli

Halal Nemət

Xəbər lenti

DAHA ÇOX XƏBƏR