Sosial

Karantində daha çox bunu edirlər - SORĞU

3 May 2020 12:19

Rusların özünütəcrid zamanı əsas fəaliyyətləri məlum olub.

Publika.az xəbər verir ki, "Romir" holdinqin araşdırmasına əsasən, ruslar karantin müddətində daha çox onlayn film izləyir və idmanla məşğul olur.

Sorğu 17-23 aprel həftəsində paytaxt Moskva və regionlarda keçirilib.

Respondentlərin 56 faizi karantin günlərində film izlədiyini bildirib. Sorğuda iştirak edənlərin 26%-i isə idmanla məşğul olduğunu deyib.

"Romir" holdinqin rəhbəri Andrey Milexin qeyd edib ki, vətəndaşlar arasında özünütəcrid dövründə yeni istehlak vərdişləri yaranıb:

"Evdə film izləməkdən zövq alanları yenidən kinoteatrlara necə cəlb etmək olar? Bəs fitnes mərkəzləri onlayn məşqlərə qalib gələ biləcəkmi? Dəyişən dünyada bir neçə sadə suala cavab tapmaq mütləqdir".

Aytən Novruz