Sosial

Türkiyəli mütəxəssislər Fəxri xiyabanda - FOTO

21 Yanvar 2021 14:11

Fövqəladə Hallar Nazirliyinin dəvəti ilə Vətən müharibəsindən sonra mənəvi-psixoloji problemlər yaşayan vətəndaşların psixoloji reabilitasiyasının səmərəli təşkilinə yardımçı olmaq məqsədilə qardaş Türkiyə Respublikasından Azərbaycana səfər edən bir qrup peşəkar klinik-psixoloq və psixoterapevtlər Fəxri xiyabana gələrək müasir Azərbaycan dövlətinin memarı və qurucusu, ümummilli lider Heydər Əliyevin xatirəsini dərin ehtiramla yad edib, abidəsi önünə gül dəstələri qoyublar.

Fövqəladə Hallar Nazirliyinin Mətbuat Xidmətindən Publika.az-a verilən məlumata görə, mütəxəssis qrupu həmçinin görkəmli oftalmoloq alim, akademik Zərifə xanım Əliyevanın da xatirəsiniyad edib, məzarı üzərinə tər çiçəklər düzülüb.

Şəhidlər xiyabanına gələn qonaqlar Azərbaycanın müstəqilliyi və ərazi bütövlüyü uğrunda şəhid olan Vətən övladlarının xatirəsinə ehtiramlarını bildirib, məzarları üzərinə gül dəstələri qoyublar.

Sonra Şəhidlər xiyabanında şəhid türk əsgərlərinin xatirəsinə ucaldılmış “Türk şəhidliyi” abidəsi ziyarət olunub, önünə tər çiçəklər düzülüb.