Sosial

Niyazi Bayramov vətəndaşları qəbul etdi - FOTO

19 Mart 2021 16:07

Gəncə Şəhər İcra Hakimiyyətinin başçısı Niyazi Bayramov vətəndaşlarla görüşüb, onların şikayət və təkliflərini dinləyib.

Publika.az xəbər verir ki, qəbulda iştirak edən sakinlər onları narahat edən məsələləri şəhər rəhbərliyinin diqqətinə çatdırıblar. Qəbulda Vətən müharibəsi qaziləri və şəhid valideynləri də iştirak ediblər.

Mürcaiətlərin əsasını işlə təminat, müalicə və əlilliyin təyin edilməsi üçün köməkliyin göstərilməsi, fərdi evin inşası üçün torpaq sahəsinin ayrılması, əlil arabası ilə təminat və sair məsələlər təşkil edib.

Sakinlərin problemləri tək-tək dinlənilib, bir çox müraciət yerindəcə öz müsbət həllini tapıb.

Belə ki, müraciətləri əsasında Vətən müharibəsi qazisi Musayev Yusif Məhəbbət oğlu yeni əsa ilə, şəhid anası Dürdanə Orucova isə yeni əlil arabası ilə təmin edilib. Vətəndaş qəbulunda səsləndirilən digər müraciətlərin araşdırılaraq, qanunamüvafiq formada həll edilməsi istiqamətində isə müfaviq tapşırıqlar verilib.