Vətən müharibəsi qazisinin problemi həll edildi
Bizi izləyin

Sosial

Vətən müharibəsi qazisinin problemi həll edildi

Bu günlərdə qazi Yaqub Qəhrəmanlı fərdi yaşayış evinin həyətinin giriş hissəsində qapı keçidinin qurulması ilə bağlı “Azəriqaz” İstehsalat Birliyinə sosial şəbəkə üzərindən müraciət edib.

“Azəriqaz”dan Publika.az-a bildirilib ki, şəhid və qazi ailələrinin müraciətlərinə xüsusi diqqət ayıran birlik tərəfindən qısa müddət ərzində onun müraciəti təmin olunub.

Onu da qeyd edək ki, "Facebook" sosial şəbəkəsi vasitəsilə həm birliyin səhifəsinə, həm də baş direktor Ruslan Əliyevin səhifəsinə çoxsaylı müraciətlər daxil olur. Onlar sistemləşdirilir, araşdırılır və ilk növbədə qazi, şəhid və aztəminatlı ailələrin qaz təchizatı məsələləri icra üçün müvafiq strukturlara yönəldilir.

Azərbaycan Ordusunda şərəfli xidmət göstərib Vətən müharibəsində qəhrəmanlıq yolu keçən igidlərimizdən biri olan kiçik çavuş Yaqub Qəhrəmanlı “N” saylı hərbi hissənin minaatan batereyasında sanitar təlimatçısı, tibb xidməti çavuşu kimi xidmət edib. Suqovuşan, Ağdərə istiqamətində gedən döyüşlərdə böyük şücaət göstərib. Kiçik çavuş Y.Qəhrəmanlı bir əlində silah tutaraq düşmənlə mübarizə aparıb, digər tərəfdən də yaralı əsgərlərə ilkin tibbi yardım göstərib. O, döyüşdən yaralı əsgəri çıxararkən yaxınlığına mərmi düşüb və bu zaman yaralanıb. Yaqub Qəhrəmanlı “Cəsur döyüşçü” medalı ilə təltif olunub.

Oxumağa davam et
Reklam
Reklam

Gündəm