Sosial

Azərbaycanda minlərlə insana şad xəbər - Bu məhsullar ƏDV-dən azad edilir

17 Noyabr 2021 16:24

Milli Məclisdə Uşaq bezlərin əlavə dəyər vergisindən və ya rüsumdan azad edilməsi təklif olunur.

Publika.az xəbər verir ki, təklif Milli Məclisdə Mədəniyyət Komitəsinin sədri Qənirə Paşayeva tərəfindən Vergi Məcəlləsinə dəyişikliyə dair qanun layihəsinin müzakirəsi zamanı səsləndirilib.

Q.Paşayeva bildirib ki, bu barədə həmkarı Musa Qulyevin də əvvəllər təklifi olub.

Musa Quliyev çıxışı zamanı bildirib ki, uşaq yeməkləri və bezləri məsələsi olduqca vacibdir. Əmək və sosial siyasət komitəsinin sədri bildirib ki, ölkədə ildə 100-150 min körpə doğulur: “Uşaqların hər biri gündə 2 bez istifadə etməsini nəzərə alsaq müəyyən edərik ki, gün ərzində nə qədər bez istifadə olunur. Hesab edirəm ki, bu istiqamətdə hökumət düşünməlidir. Biz uşaq bezlərinin ölkədə istehsal edilməsini və ya belə məhsulların ƏDV-dən, rüsumlardan azad edilməsi məsələsinə baxa bilərik”.