Sosial

Əflatun Amaşov: "Xəbər çox yayılanda hadisələrin sayı da artır"

20 İyul 2022 12:38

İntiharla bağlı xəbərlərin geniş yayılması bu tip hadisələrin sayının artmasına səbəb olur.

Publika.az xəbər verir ki, bunu bu gün Mətbuat Şurasında keçirilən mətbuat konfransında qurumun sədri Əflatun Amaşov deyib.

O bildirib ki, intihar konkret hadisədir: "Bütün dünyada intiharlar olur. Ən çox intiharlar Skandinaviya ölkələrində baş versə də, bu ölkələrin mətbuatında bu cür xəbərlər az yayılır".

"Bir sıra sayt, qəzet, televiziyalar və sosial şəbəkələrdə intiharla bağlı xəbərlərin sayı artır. Hadisə xəbərlərində insanlar qəhrəmana çevrilir. Cəmiyyətdə iradəsi zəif insanlar bu barədə media vasitəsilə məlumatlanır. Bəziləri də problemlərdən çıxış yolunu intiharda görür. Nəticədə intiharların sayı artır. Sosial problemlər, yoxsulluq insanları intihara aparır. İntihar hadisəsi konkret hadisədir. Bütün dünyada baş verir və onların işıqlanıdırlması qərarlaşdırılır və belə xəbərlər azlıq təşkil edir", - Şura sədri deyib.