Sosial

Media mənsubları və ekspertlər Laçına yollandı - FOTO

1 Sentyabr 2022 09:32

Bir qrup media işçisinin işğaldan azad edilmiş Laçın şəhərinə səfəri başlayıb.

Publika.az xəbər verir ki, səfərdə jurnalistlərlə yanaşı hərbi ekspertlər, laçınlı hərbi qulluqçular da iştirak edir.

Media nümayəndələri ermənilər tərəfindən yandırılaraq dağıdılan evlərə, inzibati ərazilərə baş çəkəcəklər.

Bundan başqa, jurnalistlər şəhər ərazisində Azərbaycan Ordusunun yeni dislokasiya məntəqələri, burada xidməti fəaliyyətə başlayan hərbi polis bölmələri və aparılan mühəndis işləriylə yaxından tanış olacaqlar.

Səfər çərçivəsində jurnalistlər Laçının Zabux və Sus kəndlərinə də baş çəkəcəklər.

Laçına səfərdə bizim əməkdaşımız da iştirak edir.

Qeyd edək ki, avqustun 26-da Prezident İlham Əliyev tviter səhifəsində Azərbaycan Ordusunun Laçın şəhərində yerləşməsi ilə bağlı paylaşım edib. Ali Baş Komandan həmin gün azərbaycanlıların Laçın şəhərinə qayıtmasının, Laçın şəhərinin, Zabux və Sus kəndlərinin nəzarətə götürüldüyünün müjdəsini verib.