AYB-dən Əlisa Nicatın acınacaqlı vəziyyəti ilə bağlı AÇIQLAMA

Xəbər verdiyimiz kimi, “Qanun” nəşrlər evinin rəhbəri Şahbaz Xuduoğlu və “Ali Nino” mağazalar şəbəkəsinin sahibi Nigar Köçərli acınacaqlı durumda yaşayan yazıçı Əlisa Nicatın evindən görüntülər paylaşıblar. Yazıçının evinin ümumi vəziyyətinin acınacaqlı olduğu, istilik sisteminin olmadığı vurğulanıb.

Məsələ ilə bağlı Azərbaycan Yazıçılar Birliyinin (AYB) mətbuat katibi Xəyal Rza Publika.az-a açıqlamasında bildirib ki, yazıçı vəziyyəti ilə bağlı birliyə müraciət etməyib:

“Əlisa Nicat yardım üçün AYB-yə müraciət etməyib, bu barədə Anar müəllim də açıqlama verib. Yazıçının durumu ilə bağlı məlumat isə dünəndən yayılıb. Yəqin ki, AYB də öz imkanlarını dəyərləndirər və hər hansısa dəstək göstərər”.

Qeyd edək ki, 87 yaşlı Əlisa Nicat 100 dən çox kitabın müəllifidir. O, “Qızılbaşlar”, “Zərdüşt”, “Əsarət bayramı”, “Gərəksiz”, “Qəbilə başçısı”, “Gəncəli müdrik” və s. məşhur əsərlərin müəllifidir. Müstəqillik dövründə “Nağıllara dönən tarix”, “Ruhların söhbəti”, “Dünya sərkərdələri”, “Kədər şərabı”, “Yüz böyük Azərbaycanlı”, “Karvan” və digər kitabları çap edilib.

Akqabay Mıradov