Sosial

Keçmişdə gənclər Koroğluya, Babəkə oxşamaq istəyirdi, indi isə... - Deputat

7 Noyabr 2024 15:06

“Demək olar ki, hər gün oğulun atasını, ərin arvadını öldürdüyü kimi xəbərlərə rast gəlirik. Bunların qarşısını almalıyıq. Maarifləndirmə işi aparılmalıdır”.

Publika.az xəbər verir ki, bu sözləri Milli Məclisin iclasında deputat Siyavuş Novruzov deyib.

Deputat televiziya kanalarında yayımlanan bəzi verilişlərin məişət zorakılığını artırdığını bildirib:

“Verlişlərdə bu hadisələr daha da qızışdırılır. Hamımız da buna susuruq. Sən bir verilişin aparıcısısan, ancaq özünü həm prokror, həm vəkil kimi aparırsan. Məsələnin mahiyyətindən xəbərin yox, hüquqi məlumatın yox! Onların, həmçinin o verlişə gələn ekspertlərin qarşısı ciddi şəkildə alınmalıdır. Camaata ağıl öyrətməməlidirlər.

Seriallar da məişət zorakılığına səbəb yaradır. Keçmişdə gənclər Koroğluya, Babəkə oxşamaq istəyirdisə, indi seriallardakı obrazlara oxşamaq istəyirlər. Bunlar cəmiyyətin əxlaqını, mənəviyatını pozur”.