Heydər Əliyev Azərbaycan parlamentinin banisidir

"Dünyanın böyük güclərinin işğal olunmuş ərazilərimizlə bağlı xüsusi planları var idi".

Publika.az xəbər verir ki, bunu Milli Məclisin sədri Sahibə Qafarova parlamentin bugünkü “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusunda keçirilən xüsusi iclasında deyib.

Sədr bildirib ki, 1995-ci ildə qəbul edilən Konstitusiya dünyanın sənədləri ilə müqayisə oluna bilər:

"Hakimiyyət bölgüsü orada peşəkarlıqla qeyd olunub. Heydər Əliyev həm də Azərbaycan parlamentinin banisdir. Ulu Öndərin başlatdığı siyasi xətti Prezident İlham Əliyev uğurla davam etdirir. Azərbaycan son illərdə uğurlu yol keçib. Ölkəmiz beynəlxalq platformalarda söz sahibiə çevrilib. Cənubi Qafqazın lider dövlətiyik. Yoxsulluğun azaldılması, sosial sahənin inkişafına dair mühüm proqramlar qəbul edilib. Ölkəmiz Qoşulmama Hərakatında mövqeyini gücləndirmiş, beynəlxalq konfrasnlara ev sahibliyi etmişdi. Lakin ötən əsrin sonunda ərazilərimiz işğal olundu. İllər ərzində Azərbaycan bunu sülhlə həll etməyə çalışırdı. Bu cəhdlər nəticə vermədi. Nəticə də verə bilməzdi. Dünyanın böyük güclərinin işğal olunmuş ərazilərimizlə bağlı xüsusi planları var idi. Lakin Azərbaycan planları pozdu, Vətən müharibəsi və antiterror əməliyyatı ilə torpaqlarımızı azad etdik".