Azərbaycanlı rəssamın ölümünün təfərrüatı: Bıçaqla... - YENİLƏNDİ

Rəssam Fərhad Yalquzağın ölümü ilə bağlı yeni təfərrüatlar məlum olub.

Publika.az Teleqraf-a istinadən xəbər verir ki, o, bıçaqla özünə xəsarət yetirib və qanaxmadan ölüb.

Məlumata görə, iyunun 17-də saat 23 radələrində 1973-cü il təvəllüd Fərhad Əhmədli oğlu İsgəndərov yaşadığı M.Rüstəmov küçəsi ev 6/4-də qollarına bıçaqla xəsarət yetirib və o qanaxmadan vəfat edib.

Faktla bağlı Xətai Rayon Prokurorluğunda araşdırma aparılır.

xxx

Rəssam Fərhad Yalquzaq vəfat edib.

Publika.az xəbər verir ki, bu barədə Teleqraf-a rəssam Pəri Miniatür məlumat verib.

Onun sözlərinə görə, mərhum təkbaşına olub, vəfat edib emalatxanada qalıb.

Nəşi dostları tərəfindən tapılıb.

"Xəstə deyildi. Ölüm səbəbi bilinmir. Bu gün saat 11-də morqdan götürüləcək və sonra da dəfn ediləcək", - Pəri Miniatür bildirib.

Mərhum bu gün Zabrat qəbiristanlığında anasının yanında torpağa tapşırılacaq.

Xatırladaq ki, Fərhad Yalquzaq 1973-cü ildə martın 14-də anadan olub. Sənətkarın yaradıcılığının əsasını avanqard üslub təşkil edib.

O, 2022-ci ildə "XAZART" simpoziumunda iştirak edərək texnika və yaradıcılıq prinsiplərini gənclərlə paylaşıb. "Muzey Mərkəzi"nin sərgilərində isə "Afrikalı şaman" (2009), "Bilyard ustası" (2010) və s. əsərləri yer alıb.