Şuşa Humanitar Kollecində Heydər Əliyevə həsr olunan açıq dərs keçirildi - FOTO

Bu gün Şuşa Humanitar Kollecində Azərbaycan dilində işgüzar və akademik kommunikasiya fənnindən “Ümumilli lider Heydər Əliyev və nitq mədəniyyəti” mövzusunda açıq dərsi keçirilib.

Publika.az xəbər verir ki, kollecin müəllimi Könül Hüseynova Ulu Öndər Heydər Əliyevin həyat və yaradıcılığı barədə geniş məlumat verib və açıq dərsin məhz Ümummilli liderə həsr edilməsinin vacibliyini diqqətə çatdırıb.

Daha sonra kollecin tələbələri Ümumilli lider Heydər Əliyev və natiqlik sənəti haqqında, onun aforizmə çevrilmiş sözlərindən danışıblar və dünyanın aparıcı siyasi-ictimai xadimlərinin Heydər Əliyevlə bağlı fikirlərindən sitatları diqqətə çatdırıblar.

Qeyd edilən fikirləri əks etdirən videoçarx nümayiş etdirilib

Açıq dərsdə xüsusi olaraq Ümumilli lider Heydər Əliyevin yolunun layiqli davamçısı Ali Baş Komandan, Prezident İlham Əliyev haqqında danışılıb, onun həyata keçirdiyi uğurlu daxili və xarici siyasəti, ordu quruculuğu və digər atdığı mühüm addımları barədə fikirlər səsləndirilib.

Sonda vətənpərvərlik mövzusuna həsr olunmuş “Azərbaycan” mahnısı tələbələr tərəfindən ifa edilib.