Azərbaycanda əhaliyə ödənilən müavinət və təqaüdlər...

2018-ci ildən ötən müddət ərzində əhaliyə ödənilən müavinət və Azərbaycan Respublikası Prezidentinin təqaüdləri üzrə ödənişlər 5 dəfə artıb.

Publika.az Teleqraf-a istinadla xəbər verir ki, bu barədə Bakıda keçirilən Gələcəyin Peşələri Sammitində çıxışında əmək və əhalinin sosial müdafiəsi naziri Anar Əliyev deyib.

Onun sözlərinə görə, MDB ölkələri ilə müqayisədə alıcılıq qabiliyyəti pariteti üzrə ölkəmiz minimum pensiyada birinci, minimum əməkhaqqı və orta aylıq pensiya üzrə isə ikinci yerdə qərarlaşıb:

“Həmçinin, məşğulluq istiqamətində həyata keçirilən tədbirlər müsbət nəticələr verir. Bu ilin 10 ayı ərzində nazirlik tərəfindən 491 mindən çox şəxs aktiv məşğulluq tədbirləri ilə əhatə olunub. Onlardan 158 min nəfər işlə təmin edilib, 82 peşə istiqaməti üzrə 15 mindən çox şəxs peşə hazırlığına, 16 mindən çox şəxs özünüməşğulluq proqramına cəlb edilib. Bundan əlavə, bu dövr ərzində 302 min şəxsə peşəyönümlü məsləhət xidmətləri göstərilib. Bu göstəricilər əmək bazarının dinamik və inklüziv şəkildə inkişaf etməsini və bu inkişafda xüsusilə gənclərin rolunun yüksək olmasını təsdiqləyir”.