Sosial

Yoxsul və varlılar arasındakı fərq hansı məbləğlə ölçülür?

22 Dekabr 2025 17:53

Rusiyada orta statistik vətəndaşın hansı gəlir səviyyəsində yoxsul hesab edildiyi müəyyənləşib.

Publika.az xəbər verir ki, bu barədə “News.ru” məlumat yayıb.

Araşdırma çərçivəsində bir neçə yüz nəfər arasında sorğu keçirilib. Respondentlərin əksəriyyəti ayda 50 min rubldan (təxminən 1055 manat) az gəliri olan şəxslərin avtomatik olaraq yoxsul kateqoriyasına aid edildiyini bildirib.

Sosioloqların təsnifatına əsasən, Rusiyada orta təbəqə ayda 50 min rubldan başlayaraq 100 min rubla (təxminən 2111 manat) qədər gəlir əldə edənlər hesab olunur. Gəliri 150 min rubldan (təxminən 3167 manat) 300 min rubla (təxminən 6335 manat) qədər olanlar isə orta təbəqədən yuxarı kateqoriyaya daxil edilir.

Varlı ruslar isə ayda 300 min rubldan 500 min rubla (təxminən 10 559 manat) qədər qazanan şəxslər kimi qiymətləndirilir.

Adəm