Venesuela ABŞ təyyarələrindən birini vurub, amma...

Karakasa gecə basqını zamanı Amerika təyyarələrindən biri atəşə tutulub. Zərbəyə baxmayaraq, təyyarə işlək vəziyyətdə qalıb və missiyanı yerinə yetirib.

Publika.az xəbər verir ki, bu barədə Birləşmiş Qərargah Rəisləri Komitəsinin sədri general Den Keyn Mar-a-Laqoda keçirilən mətbuat konfransında bildirib.

O bildirib ki, təxliyə zamanı Venesuela qüvvələrinin şiddətli müqaviməti başlayıb və elit ABŞ bölmələri "özünümüdafiə məqsədilə" əks-hücumlarla mübarizə apararaq ölkədən çıxmağa məcbur olublar.

Prezident Donald Trampın yanında dayanan yüksək rütbəli hərbi rəsmi bildirib ki, "Təyyarələrimizdən biri vurulub, amma uçuşa yararlı qalıb... Qoşunlar Venesueladan geri çəkilməyə başlayanda bir neçə döyüş toqquşması baş verib".

CNN yazır ki, yerüstü qruplar real vaxt rejimində kəşfiyyat məlumatları alıb və bu da onlara lazımsız risk olmadan "mürəkkəb mühitdə" manevr etməyə imkan verib. General Keyn zədələnmiş təyyarənin əməliyyatın sonuna qədər havada qaldığını və nəticədə təhlükəsiz şəkildə evə qayıtdığını vurğulayıb.

Hüseyn İbadlı