FHN-in Gəncə Regional Mərkəzi tərəfindən mülki müdafiə tədbirləri təşkil edildi

Fövqəladə Hallar Nazirliyinin Gəncə Regional Mərkəzi tərəfindən Tovuz Dövlət Sosial-İqtisadi Kolleсində “Əhalinin fövqəladə hallar zamanı mühafizəsinin təşkili” dərsi və “Socar Petroleum” QSC-nin 6 saylı Gəncə Neft Baza Sahəsində “Fövqəladə hallarda xilasetmə və digər təxirəsalınmaz işləri yerinə yetirərkən rəhbər heyətin qərar qəbuletmə bacarığının təkmilləşdirilməsi” mövzusunda mülki müdafiə məşqi keçirilib.

Bu barədə Publika.az-a nazirlikdən məlumat verilib.

Dərs və məşqin keçirilməsində məqsəd vətəndaşların fövqəladə hallarla bağlı davranış qaydaları, mülki müdafiə sahəsində biliklərinin artırılması, fövqəladə hadisələrin qarşısının alınması məqsədilə profilaktik tədbirlərin görülməsi, bu sahədə rəhbər heyətin funksional vəzifələrini lazımi səviyyədə yerinə yetirməsi üzrə nəzəri bilik və praktiki vərdişlərinin təkmilləşdirilməsi, təşkilatçılıq və operativliyin artırılmasından ibarət olub.

Tədbirlər zamanı müəssisələrin heyətinin fövqəladə hal barədə xəbərdar edilməsi, xəbərdarlıq toplanışı siqnalı ilə qaldırılması, toplanma məntəqəsinə yürüş, toplanış və idarəetmənin təşkili üzrə fəaliyyətləri yoxlanılıb, təxliyə, “zərərçəkmişlərə ilkin yardımın göstərilməsi” və digər əməliyyatlar icra olunub, həmçinin funksional vəzifələrlə bağlı məruzələr dinlənilib.

Uğurla keçən tədbirlərdən sonra nəticələr təhlil edilib, aidiyyəti üzrə tapşırıqlar verilib