Britaniyalı bloger Lənkəranda görün nəyə heyrətləndi - Video

"Mən indicə sübut etdim ki, Azərbaycan dünyanın ən təhlükəsiz, qonaqpərvər ölkələrindən biridir".

Publika.az Baku TV-yə istinadən bildirir ki, bu sözləri məşhur səyahət bloqeri Harri Caqqard deyib.

O, Lənkəranda başına gələn bir hadisə ilə bağlı paylaşım edib.

"Mənim pulqabımda xeyli pul var idi. İstirahət mərkəzində də çoxlu müştəri olub. Amma heç kəs çantama toxunmayıb. Çantamı götürəndən sonra restoranda işləyənlərə təşəkkür olaraq bəxşiş vermək istədim. Amma işçilər bunu da qəbul etmədilər.

"Bu bizim borcumuzdur" dedilər", - Harri Caqqard söyləyib. Məsələ ilə bağlı danışan istirahət mərkəzinin administratoru Samir Məmmədov bildirib ki, stolun üstündə unudulan çanta anında müşahidə kamerasının nəzarətində olan şkafa yerləşdirilib:

"İki saatdan sonra həmin qonaq gəlib çantasını götürdü, içini açdı və gördü ki, əşyaları, pulu yerindədir. Bunun müqabilində işçilərimizə pul təklif etdi, amma onlar pulu götürmədilər. Məqsədimiz buraya gələn hər bir qonağın rahat istirahət etməsini, Lənkəran çayının dadına baxıb gözəl mənzərədən zövq almasını təmin etməkdir".