Sosial
"Azərişıq" əməkdaşları Türkiyədə keçirilən beynəlxalq Peşə Ustalığı Yarışında birinci yerə layiq görülüblər
21–25 sentyabr tarixlərində Türkiyənin paytaxtı Ankarada Türk Dövlətləri Təşkilatının (TDT) iştirakı ilə Türkdilli ölkələrin elektroenergetika mütəxəssisləri arasında beynəlxalq Peşə Ustalığı Yarışı keçirilib.
Bu barədə Publika.az-a qurumdan məlumat verilib.
Türk Dövlətləri Təşkilatı nümayəndəsinin iştirakı ilə keçirilən və Azərbaycan, Qazaxıstan, Qırğızıstan, Türkiyə və Özbəkistan komandalarını bir araya gətirən yarışda “Azərişıq” ASC-nin energetikləri yüksək peşəkarlıq, texniki bilik və bacarıq, operativlik və güclü komanda işi nümayiş etdirərək “Ən təcrübəli mütəxəssis komandası” nominasiyası üzrə birinci yerə layiq görülüblər.
Qeyd edək ki, Türkdilli ölkələrin energetikləri arasında Peşə Ustalığı Yarışlarının əsası ilk dəfə 2023-cü ildə “Azərişıq” ASC-nin təşəbbüsü və təşkilatçılığı ilə Qarabağda – Hadrutda qoyulub. Ulu Öndər Heydər Əliyevin anadan olmasının 100 illik yubileyinə həsr edilən bu təşəbbüs qısa müddətdə beynəlxalq ənənəyə çevrilərək sonrakı illərdə Tatarıstan, Qırğızıstan və Özbəkistanda uğurla davam etdirilib.
Qarabağdan başlayan bu mühüm təşəbbüs bu gün Türk Dövlətləri Təşkilatı çərçivəsində elektroenergetika sahəsində peşəkar əməkdaşlığın genişləndirilməsinə, qabaqcıl təcrübə mübadiləsinə, texniki təhlükəsizlik mədəniyyətinin yüksəldilməsinə və müasir texnologiyaların tətbiqinə dəstək verən beynəlxalq platformaya çevrilib.
Ankarada keçirilən builki yarış da Türk dünyasının energetikləri arasında peşəkar əlaqələrin möhkəmləndirilməsinə və qarşılıqlı əməkdaşlığın genişləndirilməsinə xidmət edib.
Beynəlxalq Peşə Ustalığı Yarışlarının növbəti mərhələsinin 2027-ci ildə Qazaxıstanda keçirilməsi nəzərdə tutulur.
-
Sosial19:00Pensiyalarda ikinci artımı bu şəxslər alacaqlar
-
Nida Xəbər 18:40İşçilər bu halda narkoloji müayinədən keçiriləcəklər
-
Nida Xəbər 15:56Əhaliyə şad xəbər: Qaz və işıq limitlərinə yenidən baxıla bilər
-
Dünya15:38Estoniya Rusiya işğalına hazırlaşır: “Rəqəmsal səfirlik” planı
-
Nida Xəbər 14:48Neçə Milli Qəhrəmanımız sağdır? - SİYAHI
-
MDB14:12Gürcüstan Rusiya ilə barışır: Yaxın günlərdə görüş olacaq
-
Rəsmi xronika13:35Prezident bu sahəyə 1 milyon manat ayırdı
-
Region13:20Ermənistan silahlı qüvvələri “fəhlə-kəndli ordusu”na çevrilir: Manukyan nəyə eyham vurur?

























.jpg)









.jpg)

.jpg)



















