Paşinyan ETİRAF ETDİ: “Putinlə razılaşa bilmədik” - Ermənistan üçün ÇƏTİN GÜNLƏR BAŞLAYIR

Ermənistanda baş nazir vəzifəsini icra edən Nikol Paşinyan dünən Moskvada Rusiya prezidenti Vladimir Putinlə görüşünün nəticələri haqqında danışıb.

Publika.az xəbər verir ki, Paşinyan Rusiyanın Ermənistana satdığı qazın qiyməti ilə bağlı razılaşma əldə edə bilmədiklərini deyib.

“Qazın qiyməti ilə bağlı qərar yoxdur, müzakirələr davam edəcək”, - deyə o bildirib.

Paşinyan bildirib ki, qaz məsələsi ikitərəfli münasibətlər üçün həssas mövzudur: “Mən nikbinəm və ümid edirəm ki, proseslər bizim üçün arzuolunan formada inkişaf edəcək, ən azından arzulunmaz istiqamətə getməyəcək”.

Qeyd edək ki, Rusiya Ermənistana satdığı təbii qazın qiymətini 2019-cu ilin yanvarından etibarən qaldıracaq. Bu addım Ermənistanda istehlakçılara satılan qazın taariflərinin artırılması ilə nəticələnəcək. Ekspertlər belə nəticələrin Ermənistan daxilində ciddi çaxnaşmalara sənən olacağını hesab edirlər.

N. Paşinyan Putinlə görüşdə Dağlıq Qarabağ münaqişəsini müzakirə etmədiklərini, əsas müzakirə mövzusunun Kollektiv Təhlükəsizlik Müqaviləsi Təşkilatında (KTMT) baş katib məsələsi olduğunu bildirib.

Asif