Cənubi Qafqaz

Ermənistan Azərbaycana “İsgəndər” atdı, partlamadı – Paşinyanın ETİRAFI

24 Fevral 2021 08:36

Ermənistanın baş naziri Nikol Paşinyan Rusiya istehsalı olan “İsgəndər” raketlərinin atəş açmadığını etiraf edib.

Publika.az xəbər verir ki, Paşinyan “1in.am” saytına müsahibəsində keçmiş prezident Serj Sarkisyanın “İsgəndər” raketi ilə bağlı iddiasına cavabında deyib: “Qoy ona da cavab verin (Serj Sarkisyan) niyə “İsgəndər” raketləri partlamadı? Yaxud niyə 10 faiz partladı?.. Bəlkə bu, 80-ci illərin silahı idi?”.

Bununla Paşinyan 44 günlük müharibədə “İsgəndər” raketindən istifadə etdiklərini və raketlərin atəş açmadığını etiraf etmiş olub.

Serj Sarkisyan son müsahibəsində Paşinyan hakimiyyətini “İsgəndər” raketindən müharibənin ilk günlərində istifadə etməməkdə ittiham edib. O, həmçinin bu raketlərin Şuşaya atıldığını da etiraf etmişdi.