Paşinyanın müavini AÇIQLADI: bu dəmir yolunun...

"İrəvan və Bakı Ermənistan, Azərbaycan və Rusiya baş nazirlərinin müavinlərindən ibarət üçtərəfli işçi qrupu çərçivəsində Ermənistan tərəfinə Ermənistanın dəmir yolu şəbəkələrinə qoşulmaq fürsəti verəcək Arazdəyən-Horadiz dəmir yolunun açılması imkanlarını İran və Gürcüstanın müvafiq strukturları ilə müzakirə edirlər".

Publika.az TASS-a istinadla xəbər verir ki, bunu Ermənistan parlamentində hökumət saatında çıxış edən baş nazirin müavini Mher Qriqoryan deyib.

"Dəmir yolu ilə bağlı qarşılıqlı anlaşma formalaşıb. Danışıqlarımız Arazdəyən-Horadiz xəttinə aiddir. Bu hissə ona görə vacibdir ki, Arazdəyəndən İranla əlaqə yaratmağa imkan verir və Gürcüstan dəmir yolu ilə əlaqəsi var. Beləliklə, bu dəmir yolu xətti regional əhəmiyyətə malikdir.”, - deyə o qeyd edib.

Çərşənbə axşamı Qriqoryan TASS-a müsahibəsində deyib ki, Ermənistan, Azərbaycan və Rusiya baş nazirlərinin müavinlərinin regional kommunikasiyaların açılması üzrə işi artıq razılaşdırılmış fundamental prinsiplər çərçivəsində davam etdiriləcək.

Xatırladaq ki, dekabrın 1-də Moskvada Ermənistan, Azərbaycan və Rusiya Federasiyası baş nazirlərinin müavinlərinin üçtərəfli işçi qrupunun sonuncu görüşü keçirilib.

Hüseyn