Cənubi Qafqaz

Ermənistan GERİ ÇƏKİLDİ: Rusiyaya xüsusi komanda göndərir

18 Fevral 2024 19:16

Ermənistanın nümayəndələri Kazan və Soçidə keçiriləcək “Gələcəyin Oyunları”nda iştirak edəcəklər.

Publika.az xəbər verir ki, bu barədə təşkilat komitəsindən “Sputnik Ermənistan”a bildiriblər.

Bundan əvvəl Təhsil, Elm və İdman Nazirliyi namizədlərin olmaması səbəbindən Ermənistanın bu yarışda iştirak etməyəcəyini bəyan etmişdi. İndi isə iştirakçılar tapılıb – futbol komandası “fiziki futbol”, qarışıq döyüş növlərinin nümayəndəsi isə “fiziki döyüş növləri” fənni üzrə çıxış edəcək. Oyunlara 12 idmançı gedəcək.

Xatırladaq ki, “Gələcəyin Oyunları” fevralın 21-dən martın 3-dək keçiriləcək. Bu, hibrid fənlər üzrə ilk beynəlxalq multi-idman yarışıdır.

Onların hər biri “figital” (fiziki+rəqəmsal) anlayışını birləşdirir, yəni klassik idman və e-idman və ya VR/AR texnologiyasını özündə birləşdirir.