Rusiya Ermənistanı aldadıb, bu planları icra etdirib - Sensasiya

“Rusiya Ermənistana qarşı kinli davranır. Ermənistan Rusiya Federasiyasının üzərinə götürdüyü öhdəliklərə arxalanıb və aldadılıb. Məntiqlə bu, baş nazir Paşinyanın ölkəsinin KTMT üzvlüyünü dondurmasına gətirib çıxardı”.

Publika.az xəbər verir ki, bunu Avropa Parlamentinin bolqarıstanlı deputatı, Ermənistan məsələləri üzrə məruzəçi Andrey Kovaçev Avropa Parlamentinin Ermənistan-Avropa İttifaqı münasibətlərinə həsr olunmuş iclasında deyib.

O bildirib ki, Rusiya heç vaxt Ermənistanın vicdanlı dostu və müttəfiqi olmayıb, onun regionda və dünyada həmişə imperialist planlarına əməl edib.

“Digər tərəfdən, Avropa İttifaqı Cənubi Qafqazda siyasi sabitlik və iqtisadi rifahda çox maraqlıdır. Bu baxımdan, Aİ-Ermənistan münasibətlərinin dərinləşdirilməsi həlledici əhəmiyyət kəsb edir. Aİ Ermənistanın ən böyük inkişaf donoru və ikinci ticarət tərəfdaşıdır. Aİ-Ermənistan münasibətləri heç vaxt bu qədər güclü və rəngarəng olmayıb və Ermənistan daxili islahatları həyata keçirmək üçün tərəfdaşlıq sazişindən istifadə edir.

Biz Ermənistanla iqtisadi, maliyyə, sosial, təhlükəsizlik və müdafiə sahələrində əlaqələri dərinləşdirməliyik. Ermənistan tək deyil, biz tezliklə bu respublikaya viza liberallaşdırılmasını təmin etməliyik. Avropa İttifaqı Ermənistanın və erməni xalqının yanındadır”, - Kovaçev bildirib.

Akqabay